Liewe Teatervriende,

Vir tyd en wyl is ons deure toe tydens die inperkings periode, maar ons was hard aan die werk agter die skerms en op die teater se verhoog.

Atterbury Teater en Optog! bring vertonings na ons teatergangers om te kan geniet in die gemak van hul eie huis. Julle het ons vir soveel jare ondersteun en na ons toe gekom, nou bring ons die teater na julle toe!

Ons visie was nog altyd om vir ons teatergangers die beste kwaliteit produksies te bring en om die kunste lewendig te hou, hetsy dit persoonlik in die teater was of dan nou ook virtueel.

Tydens hierdie moeilike tyd wil ons steeds ons teatergangers verseker dat ons sal aanhou werk om Atterbury Teater lewendig te hou en soveel moontlik vertonings te bring na julle terwyl ons almal na die teater verlang, want ons het verseker nie van ons wonderlike teatergangers vergeet nie.  Ons sal altyd dankbaar wees vir elkeen van julle.  Jul bydrae, jul toewyding, jul omgee. Julle is die hart van Atterbury Teater.

Hou ons sosiale media platforms dop vir meer inligting, en skryf vir ons met enige vrae of as julle dalk net wil hallo sê by; info@atterburytheatre.co.za

Op daai noot, bring ‘n nuwe vertoning vir julle die naweek, Mathys Roets & Mauritz Lotz! Opgeneem in die Atterbury Teater tydens die inperkingstyd!

Daar is ook baie opwindende vertonings in die pyplyn, hou ons nuusbriewe dop!

Bly veilig, ons sien julle binnekort!
Groete, Atterbury Teater.